OK...現在這算什麼情況？！
井喬坐在沙發上喝着冰飲料，呆看着明世安努力的把重物從木櫃中搬出來。
「以前都係我自己搬架啦，你驚我跌爛你啲嘢啊？」井喬托着頭，不帶半點不悅的語氣問道。
「係啊，我好驚啊。」明世安本來還想說點什麼，可是之前實在費了不少力氣，也就懶得說下去。
「琴日同精靈試咗幾件蛋糕諗住今日做家務可以抵消翻架嘛，點知幾乎無出過汗咁滯……最衰都係明世安啦！」井喬嘟着嘴咕噥。
「你講咩話？」明世安手正拿着一個幾乎擋了他半張臉的大盒，聽到井喬的嘟囔後疑惑地轉身。
「喂喂喂我保你大，我唔該你放低盒嘢先！」井喬放下杯子，衝到明世安跟前托着盒的底部。
「個盒好重架，萬一真係跌落嚟就整到你架啦，我搞得掂，你坐翻低啦。」她的人比那盒不知名的東西重要很多好嗎？
「有口話人無話口自己，你估你仲細啊，有啲咩事……哼，腰又殘腿又廢啊。」井喬迅速地回應。
「洗唔洗咁咒我啊？我真係咁刻你憎咩？」知道她在拐個彎關心自己，明世安的語氣又變得輕佻。
「明生我真係唔知你咁遲鈍喎。」聽見他的語調，明知他看不見自己的臉井喬也忍不住反了個白眼。
「我隻手好痠，你介唔介意放低盒嘢先繼續研究呢個話題？」明世安感覺到自己的手開始在抖。
「我托住你慢慢爬落梯，一、二、三！」
……………
「井喬，唔洗你做都咁唔高興？我唔會扣你人工架喎。」完成工作後，明世安不解的問身旁的井喬。
「你仲好講？！你破壞哂我嘅計劃啊！」井喬狠狠的瞪了明世安一眼。
「咩計劃啊？」明世安好奇地湊近井喬問。
「關你鬼事！」井喬別過頭不理會他。她才不要讓他知道她最近胖了。
「OK，唔講唔講。」明世安有點啼笑皆非，明明沒這麼討厭自己卻總愛兇巴巴的跟他說話。
「最衰都係你！」井喬顯然沒放過他的打算。
「喂小姐，你唔講發生咩事又要鬧人，好似你衰啲喎。」明世安一副無辜相。
「如果唔係你……哼！我都唔明，明明好似越嚟越多嘢清潔，越留越耐，但就反而好似輕鬆咗……」井喬碎碎唸地數落着。
原來是這樣。這個井喬還真易拐。
明世安不禁露出那最討井喬厭的笑靨。
「你仲笑得出？！」井喬看到他的表情後怒道。
「係係係，你繼續。」唉，看着她越來越像國寶，吃晚飯時偷偷打着呵欠回到家還要趕設計圖還怎捨得讓她做那些費力氣的家務。
但你又不捨得讓人家走……(最後那句是作者說的XD)
